Falta moi pouco tempo para que empece o Concurso de Postais de Nadal Mercantil 2022, no que a postal gañadora convertiráse na felicitación oficial de Nadal do ano 2022 do Círculo Mercantil de Vigo.

O prazo para a recepción de postais comezará o vindeiro día 5 de decembro e rematará o 18 de decembro ás 18:00 horas. Só está permitido un debuxo por persoa. No caso de ter varios, deberá elexirse con cal deles participar antes da data de finalización do concurso. 

No concurso poderán participar rapazas e rapaces entre 3 e 14 anos, e a postal deberá ter un tamaño A4. As postais para o concurso entregaranse na sala infantil do Mercantil. Non o dubides máis e anímate a participar!